რუსული სახელმწიფო მედიის ინფორმაციით რუსეთი, უკრაინის ანექსირებულ ტერიტორიაზე, ზაპოროჟიეში, ატომურ ელექტროსადგურს მეთვალყურეობას გაუწევს.
ინფორმაცია რუსეთის საგარეო საქმეთა სამინისტროს მაღალჩინოსანზე დაყრდნობით, რუსულმა „რია ნოვოსტიმ“ გაავრცელა. ზაპორიჟიე ერთ-ერთი უკრაინული რეგიონია იმ ოთხიდან, რომლის ანექსიაც რუსეთმა გასულ კვირას მოახდინა.
ასევე ნახეთ: „სიყალბე“: ბაიდენი კრემლის ქმედებას ეხმაურება„ზაპორიჟიეს ატომური სადგური, ახლა რუსეთის ფედერაციის ტერიტორიაზეა (*საერთაშორისო საზოგადოება რუსეთის ანექსიას უკანონოს უწოდებს) და ის შესაბამისი უწყებების ზედამხედველობით უნდა ფუნქციონირებდეს,“- ამბობს სერგეი ვერშინინი, რომელიც რუსეთის საგარეო საქმეთა მინისტრის მოადგილის თანამდებობას იკავებს.
Your browser doesn’t support HTML5
ბირთვული კატასტროფის საფრთხე
ამ დროისთვის, ცნობილი არ არის რა ფორმით დაიწყებს რუსეთი სადგურის მუშაობაზე კონტროლის მოპოვებას და შეიყვანს თუ არა იქ რუს მეცნიერებს.
მიუხედავად იმისა, რომ ზაპოროჟიის ელექტროსადგურის ტერიტორია რუსეთის მიერ რამდენიმე თვეა ოკუპირებულია, ამ დრომდე სადგურის ოპერირებას უკრაინელი მეცინიერები უზრუნველყოფდნენ.
სადგურის ტერიტორიაზე რუსეთს სამხედრო შენაერთები ჰყავს მობილიზებული, მიმდინარეობს ტერიტორიის დაბომბვა, რაც ბირთვული კატასტროფის საფრთხეს აჩვენს.
ასევე ნახეთ: “წითელი ტელეფონი“ ისევ რეკავს - რუსეთის ბირთვული რიტორიკა და ამერიკის პასუხირუსული საინფორმაციო სააგენტო „ტასის“ ცნობით უახლოეს პერიოდში მოსკოვში გაეროს ატომური ენერგიის საერთაშორისო სააგენტოს ხელმძღვანელი რაფაელ გროსი ჩავა. გროსი მანამდე გაეროს მისიით ზაპორიჟიეში იმყოფებოდა რათა შეესწავლა ადგილზე არსებული ვითარება. ადგილზე გაეროს 10-მდე წარმომადგენელი იმყოფებოდა.
ზაპოროჟიის ატომურ ელექტროსადგურს ამ დრომდე ეტყობა აფეთქებების კვალი.