ავღანეთის ეროვნული ყრილობის დელეგატებმა მხარი დაუჭირეს შეერთებულ შტატებთან სტრატეგიული თანამშრომლობის გაგრძელებას.
ავღანეთის ხელისუფლების აზრით, ეს ქვეყნის უსაფრთხოების ინტერესებში შედის, მას შემდეგ რაც ამერიკის ჯარი 2014 წელს გავა ქვეყნიდან.
ავღანეთის ეროვნული ყრილობის ლოია ჯირგას გახსნის დღეს პრეზიდენტმა კარზაიმ განაცხადა, რომ ქვეყნის სუვერენიტეტის უზრუნველყოფისთვის აუცილებელია ამერიკელი სამხედროების მიერ ღამის რეიდების შეწყვეტა.
ამჟამად ავღანეთში ამერიკელთა მეთაურობით 130 000 უცხოელი ჯარისკაცი იმყოფება, რომლებიც 2014 წლის მიწურულს დატოვებენ ქვეყანას.
