ნატოს საგარეო საქმეთა მინისტრები, ოსლოში შეხვედრის დროს შეეცდებიან ალიანსში უკრაინის გაწევრიანების შესახებ პოზიციები დაახლოონ.
კიევი ნატოში გაწევრიანებას ითხოვს, გასულ წელს უკრაინამ ალიანსს ოფიციალურადაც მიმართა, თუმცა ნატოს გენერალური მდივანი ამბობს, რომ ომის დროს ნატოში გაწევრიანება ვერ მოხდება.
„შუაგულ ომში ნატოს წევრი გახდე დღის წესრიგში არ არის,“- ამბობს იენს სტოლტენბერგი და ამატებს, რომ „საკითხი ისაა, თუ რა ხდება ომის დასრულების შემდეგ“.
Your browser doesn’t support HTML5
საქართველო და ნატოს ვილნიუსის სამიტი
ივლისში, ვილნიუსის სამიტი გაიმართება, სადაც ალიანსის წევრი ქვეყნების ნაწილი უკრაინისთვის „მაპის“ მინიჭებას ითხოვს, ეს ერთგვარი სახელმძღვანელოა, რომლითაც ნატოში უკრაინის გაწევრიანების გზა განისაზღვრება.
კიევი და აღმოსავლეთ ევროპის რამდენიმე ქვეყანა მოითხოვს, ნატომ გადადგას ნაბიჯები უკრაინის ალინასში გაწევრიანების კუთხით. სამიტი ვილნიუსში 11-12 ივლისაა დაგეგმილი.
Your browser doesn’t support HTML5
ნატოს ვილნიუსის სამიტი და შავი ზღვის რეგიონი
„ძალიან სამწუხარო იქნება, თუ ვინმე შეძლებს ვილნიუსის სამიტის შედეგის ისე წაკითხვას, როგორც რუსეთის გამარჯვება, ერთ დღეს უკრაინის ნატოში გაწევრიანებასთან დაკავშირებით,“- ამბობს ლიეტუვის პრემიერ-მინისტრი ინგრიდა სიმონიტე.
ის, რომ უკრაინა ნატოს ალიანსში გაწევრიანდება, 2008 წელს ნატოს ბუქარესტის სამიტზე ითქვა, მაშინ ალიანსის წევრმა ქვეყნებმა განაცხადეს, რომ როგორც უკრაინა ასევე საქართველო ნატოს წევრები გახდებიან. მას შემდეგ ალიანსი თავს იკავებს კიევისთვის და თბილისისთვის მაპის მინიჭებაზე.
Your browser doesn’t support HTML5
ფინეთი ნატოს წევრია
ნატოს ვილნიუსის სამიტამდე ოსლოში, 31 მაისს და 1 ივნისს ნატოს საგარეო საქმეთა მინისტრები შეიკრიბებიან სადაც მიმდინარე საკითხებს განიხილავენ, მათ შორის უკრაინის ნატოსთან დაახლოებაც იქნება.
მოსალოდნელია, რომ ოსლოში შეხვედრის დროს ერთ-ერთი მთავარი განსახილველი საკითხი შვედეთის ნატოში გაწევრიანებაც იქნება, რომელიც თურქეთისა და უნგრეთის ნაბიჯებით არის შეფერხებული. ორივე ქვეყანა უარს ამბობს სტოკჰოლმის წევრობის გადაწყვეტილების რატიფიკაციაზე.
ასევე ნახეთ: პუტინის საქმე! რა დაემართა საქართველოს? - დასავლელი პარტნიორები ღარიბაშვილის განცხადებას ეხმაურებიანოსლოში შვედეთისა და თურქეთის მოლაპარაკებების პროცესში პროგრესს არ ელიან, რადგან ოსლოში თურქეთის საგარეო საქმეთა მინისტრი ჩასვლას არ გეგმავს.