უკრაინის პრეზიდენტი ვოლოდიმირ ზელენსკი ამბობს, რომ ბრძოლა რუსეთის წინააღმდეგ გრძელდება საბოლოო გამარჯვებამდე და მასზე ამერიკის კონგრესის გადაწყვეტილება გავლენას არ იქონიებს. ზელენსკი ამბობს, რომ უკრაინა ბრძოლას შეწყვეტს მაშინ, როცა ის გაიმარჯვებს.
ამერიკის პრეზიდენტი ჯო ბაიდენი კი განმარტავს, რომ რესპუბლიკელმა კანონმდებლებმა პირობა დადეს, რომ უკრაინის დახმარების საკითხს ამერიკის კონგრესი ცალკე კენჭისყრაზე გაიტანს და როგორც ბაიდენი ამბობს, ვაშინგტონის მხარდაჭერა კიევისადმი „არავითარ შემთხვევაში“ არ შეიძლება შეწყდეს.
Your browser doesn’t support HTML5
"აბრამსის" ტანკები უკრაინაში და გაღარიბებული ურანის ჭურვები
უკრაინის ახალი თავდაცვის მინისტრი რუსტემ უმეროვი კი ამბობს, რომ ვაშინგტონი კიევის მხარდაჭერას აგრძელებს. ეს განცხადება მან ამერიკის თავდაცვის მდივან ლოიდ ოსტინთან საუბრის შემდეგ გააკეთა.
„მდივანმა ოსტინმა დამარწმუნა, რომ აშშ-ის მხარდაჭერა უკრაინისადმი გაგრძელდება“, - წერს უმეროვი სოციალურ ქსელ „ექსში“. მისივე თქმით, უკრაინელი სამხედროები რუსების წინააღმდეგ ბრძოლას სარეზერვო საშუალებებით გააგრძელებენ.
უკრაინის საგარეო საქმეთა სამინისტრო კი ამბობს, რომ პარტნიორებთან მუშაობა გრძელდება, რათა ამერიკის ახალ ბიუჯეტში უკრაინისთვის თანხების გამოყოფა უზრუნველყოფილი იყოს. ოფიციალური კიევი ამბობს, რომ ამერიკის მხარდაჭერა ხელუხლებელია.
ასევე ნახეთ: გაეროს თქმით, ხმელთაშუა ზღვაში 2,500-ზე მეტი მიგრანტი დაიღუპა, ან დაკარგულადაა გამოცხადებული
უკრაინის საგარეო საქმეთა სამინისტროს სპიკერი ოლეგ ნიკოლენკო სოციალურ ქსელ „ფეისბუქში წერს“, რომ კონგრესის დროებითი გადაწყვეტილება უკვე გაცემულ დახმარებას არ შეეხება.
ამერიკის კონგრესი ამ დრომდე ვერ ახერხებს მომდევნო ფისკალური წლის ბიუჯეტზე შეთანხმებას, ამიტომ ორპარტიული მხარდაჭერით მიღებულ იქნა გადაწყვეტილება 45 დღით მთავრობის დაფინანსების შესახებ, რათა ამერიკის მთავრობის ნაწილობრივი დახურვა თავიდან აეცილებინათ. ამ დაფინანსებაში კი უკრაინისთვის დამატებითი დახმარების საკითხი არ მოხვდა.