აშშ-ში, ე.წ. „ჩინური ვირუსის“ 5 დადასტურებული შემთხვევა ფიქსირდება. ინფორმაციას ამის შესახებ, ფედერალური ჯანდაცვის ოფიციალური პირები ავრცელებენ და ვირუსით ინფიცირების კიდევ უფრო მეტ შემთხვევას ელოდებიან.
აშშ-ის რესპირატორულ დაავადებათა კონტროლის ცენტრის ხელმძღვანელის თქმით, ხუთივე ინფიცირებულს, ჩინეთის ქალაქ ვუჰანში, კორონავირუსით ინფიცირებულებთან უშუალო კონტაქტი ჰქონდა.
პაციენტების მდგომარეობა ამ ეტაპზე დამაკმაყოფილებელია. ისინი ჰოსპიტალში არიან იზოლირებული.
გარდა ამისა, აშშ-ის დაავადებათა კონტროლისა და პრევენციის ცენტრის ინფორმაციით, 26 შტატში, 100 საეჭვო შემთხვევის შესწავლა მიმდინარეობს.
თავად ჩინეთში, კი სადაც ვირუსის კერაა, ოფიციალური მონაცემებით, 81 ადამიანი დაიღუპა - 2 700 კი ინფიცირებულია.
ჩინეთის ჯანდაცვის მინისტრის თქმით, ვირუსის შესახებ ცოტა რამაა ცნობილი, თუმცა ჩინელმა მედიკოსებმა დანამდვილებით იციან, რომ ინკუბაციის პერიოდი შესაძლოოა 14 დღემდე გაგრძელდეს. წინასწარი მონაცემებით, კორონავირუსი ინკუბაციის პერიოდში ვრცელდება.
Facebook Forum