უკრაინის პრეზიდენტმა ვოლოდიმირ ზელენსკიმ, სამშაბათს, დავოსში ამერიკის სახელმწიფო მდივანთან, ენტონი ბლინკენთან განიხილა თავდაცვის სფეროში თანამშრომლობა.
განსაკუთრებული აქცენტი გაკეთდა საჰაერო თავდაცვაზე და შორ მანძილზე მოქმედ შეიარაღებაზე. ინფორმაცია ამის შესახებ თავად ზელენსკიმ, სოციალურ ქსელ X-ზე გამოქვეყნებული განცხადებით გაავრცელა.
მან ბლინკენს და ამერიკის ეროვნული უსაფრთხოების მრჩეველს ჯეიკ სალივანს ბრძოლის ველზე არსებული ვითარების შესახებ მიაწოდა ინფორმაცია. მხარეებმა ასევე ისაუბრეს 2024 წლის გეგმების შესახებ და მათი შესასრულებისთვის საჭირო საშუალებებზე.
კიევი აძლიერებს ძალისხმევას შიდა სამხედრო წარმოების გასაძლიერებლად, რათა უზრუნველყოს იარაღის სტაბილური მარაგი და ნაკლებად იყოს დამოკიდებული უცხოელ პარტნიორებზე, რომლებიც თავადაც დეფიციტში არიან და ვერ აკმაყოფილებენ უკრაინის ბრძოლის ველზე საჭიროებებს.
„ჩვენ ხაზგასმით აღვნიშნეთ, რომ უფრო დიდი თავდაცვითი თანამშრომლობა და ერთობლივი წარმოება გაზრდის უკრაინის თვითდაჯერებულობას და შეამცირებს მის დამოკიდებულებას უცხოურ სამხედრო და ფინანსურ დახმარებაზე“, - თქვა ზელენსკიმ.
