რომის პაპმა ფრანცისკემ შაბათს რომის ბამბინო გესუს ბავშვთა საავადმყოფოში 19 უკრაინელი ლტოლვილი ბავშვი მოინახულა.
იტალიის საავადმყოფოში ონკოლოგიური და ნევროლოგიური დაავადებების მქონე ბავშვებს მკურნალობენ. ამავე საავადმყოფოში, ჭურვების აფეთქებების შედეგად მიღებული მძიმე დაზიანებების მქონე უკრაინელი ბავშვებიც იმყოფებიან, განაცხადა ვატიკანის პრესსპიკერმა მატეო ბრუნიმ.
„პაპი ოთახებში შევიდა და ყველა პატარას ეწვია", ნათქვამია ვატიკანის განცხადებაში.
ვატიკანის ცნობით, რუსეთის უკრაინაში შეჭრის შემდეგ ამ საავადმყოფოში 50-მა უკრაინელმა ლტოლვილმა ბავშვმა გაიარა მკურნალობა.
