“ბოლო მოვლენები, მიმართვა, რომელიც პრეზიდენტ პუტინისგან გუშინ მოვისმინეთ, დონეცკის და ლუჰანსკის ე.წ. რესპუბლიკების აღიარება მიუთითებს იმაზე, რომ პრეზიდენტ პუტინს არ აქვს ინტერესი, გულწრფელად ჩაერთოს დიალოგში“ - ასე ეხმაურება ვლადიმირ პუტინის გადაწყვეტილებას, უკრაინის ტერიტორიების ე.წ. დამოუკიდებელ სუბიექტებად აღიარების შესახებ, ნატოში შეერთებული შტატების წარმომადგენელი.
ასევე ნახეთ: სტოლტენბერგი ამბობს, რომ რუსეთი სრულმასშტაბიან თავდასხმას ჯერ ისევ გეგმავსჯულიან სმიტი აცხადებს, რომ მოკავშირეები ერთიანნი არიან შეხედულებაში, რომ დიალოგის კარი ღია უნდა დარჩეს. „ყველანი ვთანმხდებით, რომ ეს საერთაშორისო სამართლის დარღვევაა. ეს არღვევს უკრაინის სუვერენიტეტს და ტერიტორიულ მთლიანობას“ - აცხადებს სმიტი.
ელჩის თქმით, მოკავშირები თანხმდებიან, რომ მოსკოვის ნაბიჯი მიანიშნებს, რომ მინსკის შეთანხმებები „არსებითად მკვდარია.“
ჩრდილო-ატლანტიკურ ალიანსში, შეერთებული შტატების წარმომადგენელი აცხადებს, რომ რუსეთი სუვერენული ერების ტერიტორიული მთლიანობის დასარღვევად, სამხედრო მეთოდებს წარსულშიც იყენებდა, მათ შორის, თავად უკრაინაში, საქართველოსა და მოლდოვაში.
"ეს ფუნდამენტურად უთხრის წირს პრინციპებს, რომლებზეც დაფიძნებულია ყველაფერი, რაც ჩვენ, ჩვენს მოკავშირეებთან ერთად, 70 წლის განმავლობაში გავაკეთეთ" - აცხადებს სმიტი.
ასევე ნახეთ: "მოვუწოდებთ რუსეთს, შეცვალოს აღიარება" - ევროკავშირის დეკლარაციასმიტი ამბობს, რომ ნატოს მოკავშირეები აკვირდებიან რუსეთის მოძრაობას უკრაინასთან საზღვრის გასწვრივ და რომ ბლოკი აგრძელებს "სიფხიზლეს, რათა უპასუხოს მოვლენების ნებისმიერ შესაძლო განვითარებას".