პრეზიდენტი ზელენსკი აცხადებს, რომ უკრაინა რუსული ჯარების მიერ ოკუპირებული ტერიტორიის დასაბრუნებლად იბრძოლებს. ახლა უკრაინის წინააღმდეგ რუსეთის ომის განმავლობაში, ერთ-ერთი ყველაზე რთული სახმელეთო ბრძოლა, სევეროდონეცკში მიმდინარეობს.
„ჩვენ უკვე ძალიან ბევრი ადამიანი დავკარგეთ იმისთვის, რომ ჩვენი ტერიტორია უბრალოდ დავთმოთ. არჩევანი არ არსებობს, ჩვენ უნდა მივაღწიოთ ჩვენი ტერიტორიის სრულ დეოუკუპაციას“ - განაცხადა უკრაინის პრეზიდენტმა, ვოლოდომირ ზელენსკიმ.
ასევე ნახეთ: აშშ-მ უკრაინის არმიის გაძლიერება MLRS M270-ით დაიწყოზელენსკის ეს განცხადება პასუხობს გამოთქმულ წინადადებებს იმის შესახებ, რომ ომის დასასრულებლად, რომელიც უკვე მეოთხე თვეა გრძელდება, უკრაინა რუსეთთან დათმობებზე უნდა წავიდეს.
საფრანგეთის პრეზიდენტმა ცოტა ხნის წინ მიცემულ ინტერვიუში თქვა, რომ მნიშვნელოვანია არ მოხდეს მოსკოვის „დამცირება“. ემანუელ მაკრონის ეს განცხადება, უკრაინაში აღიქვეს როგორც წინადადება, რომ კიევი რუსეთის ზოგიერთ მოთხოვნას უნდა დათანხმდეს.
ასევე ნახეთ: უკრაინას ცუდი სამშვიდობო შეთანხმება არ უნდა დააძალონმაკრონის განცხადების შესახებ დასმული კითხვის პასუხად, ზელენსკიმ განაცხადა - „ჩვენ არავის დამცირებას არ ვგეგმავთ, ჩვენ ვაპირებთ პასუხის გაცემას.“
უკრაინის წინააღმდეგ 24 თებერვალს დაწყებული ომმის ამ ეტაპზე, რუსეთის მიზანი, უკრაინის აღმოსავლეთ რეგიონის, ლუჰანსკის სრული დაკავებაა. ამისთვის მოსკოვს ქალაქ სევეროდონეცკის აღება სჭირდება. ინდუსტრიულ ქალაქში, რუსული ძალები, უკრაინული ძალების მტკიცე წინააღმდეგობას აწყდებიან.
Your browser doesn’t support HTML5
ბრძოლა სევეროდონეცკისთვის