დონალდ ტრამპმა თქვა, რომ რამდენიმე წლის წინ მან უარყო საკუთარი ადვოკატების რჩევა, შეეწყვიტა 2020 წლის საპრეზიდენტო არჩევნებში მისი დამარცხებისადმი წინააღმდეგობის გაწევა. სატელევიზიო ეთერით გასულ ინტერვიუში, შეერთებული შტატების ყოფილმა პრეზიდენტმა განაცხადა, რომ ის არ სცემდა პატივს ადვოკატებს და თავად გადაწყვიტა, რომ საპრეზიდენტო არჩევნების შედეგები მის საწინააღმდეგოდ გაყალბდა. ტრამპი აღნიშნულ განცხადებას დღემდე უსაფუძვლოდ და დაუსაბუთებლად იმეორებს.
ასევე ნახეთ: ტრამპის საქმეზე ბრალის წაყენება 3 სენატორისთვისაც იყო რეკომენდებული„ეს ჩემი გადაწყვეტილება იყო“, განუცხადა ტრამპმა "ენ-ბი-სის" ჟურნალისტებს კვირას, 17 სექტემბერს გასულ ტელეინტერვიუში, რომ არჩევნების შედეგები მის წინააღმდეგ იყო „გაყალბებული“. ექსპრეზიდენტის თქმით, აღნიშნული დასკვნის გამოტანისას იგი დიდწილად საკუთარ „ინსტინქტებს“ ეყრდნობოდა. კითხვაზე, თუ რატომ უარყო მან თეთრ სახლში იურისტების შეხედულებები და ის, რომ მან მაშინ არჩევნები წააგო, ტრამპმა უპასუხა: „რადგან მე მათ პატივს არ ვცემდი“.
მათ შორის, ვინც მას არჩევნების შედეგების აღიარება ურჩია და უთხრა, რომ ის აშკარად წაგებული იყო, ტრამპმა დაასახელა ყოფილი გენერალური პროკურორი უილიამ ბარიც. მასზე ყოფილი პრეზიდენტი ამბობს, რომ ის "მკაცრი იყო", მაგრამ "არ აკეთებდა თავის საქმეს, რადგან ეშინოდა".
ტრამპი დღესაც საპრეზიდენტო კამპანიაშია ჩართული და დემოკრატი პრეზიდენტის ჯო ბაიდენის წინააღმდეგ, 2024 წლის საპრეზიდენტო არჩევნებში იყრის კენჭს.
გამოკითხვების მიხედვით, ტრამპი რესპუბლიკელ კანდიდატებში კვლავ ლიდერობას ინარჩუნებს, იმის მიუხედავად, რომ მის წინააღმდეგ სისხლის სამართლის ერთდროულად ოთხი საქმე მიმდინარეობს. მათ შორის ორი, სწორედ ტრამპის მიერ 2020 წლის არჩევნების შედეგების გაუქმების მცდელობას ეხება. ყოფილი პრეზიდენტი ყველა ამ ბრალდებაში თავს უდანაშაულოდ თვლის.
Your browser doesn’t support HTML5
რას ედავებიან დონალდ ტრამპს და რა გავლენას ახდენს ეს მომავალი წლის არჩევნებზე?