არაერთხელ მოწამლული და პატიმრობაში მყოფი რუსი ოპოზიციონერი ალექსეი ნავალნი მომდევნო კვირაში კვლავ სასამართლო სხდომაზე წარსდგება, სადაც მისთვის დამატებული ახალი ბრალის თაობაზე პირველი განხილვა გაიმართება.
ნავალნის რუსეთის საგამოძიებო ორგანო ახლა უკვე ტერორიზმში ადანაშაულებს. ბრალის დამტკიცების შემთხვევაში, მას ციხეში ათწლეულების გატარება მოუწევს. წინასწარი ინფორმაციით, 30 წლის ან მეტის.
ასევე ნახეთ: ნავალნის „ტერორიზმის საქმეზე“ 30-წლიანი პატიმრობა ემუქრება - ის ბრალს „აბსურდულს“ უწოდებსსასამართლო ჩანაწერების მიხედვით ბრალდება ექვს სხვადასხვა მუხლს ითვალისწინებს, ესენია:
- ნაციზმის რეაბილიტაცია
- ექსტრემისტული ორგანიზაციის შექმნა
- ექსტრემისტული ქმედებისკენ მოწოდებები
- მოწოდება საზოგადოებრივი კანონის დარღვევისკენ
- ექსტრემისტული საქმიანობის დაფინანსება
- არასრულწლოვნების ჩართვა და არასრულწლოვანთა სიცოცხლის საფრთხეში ჩაგდება
საქმე ათეულობით ტომისგან შედგება და ადვოკატები ამბობენ, რომ მათ არ აქვთ საკმარისი დრო დეტალურად შეისწავლონ დოკუმენტაცია. ტერორიზმის მუხლით მის წინააღმდეგ გამოძიება გასულ თვეში დაიწყო. პუტინის მთავარი კრიტიკოსი ახალ ბრალს „აბსურდულს“ უწოდებს. ნავალნის ამ დროისთვის პატიმრობა თაღლითობის მუხლით აქვს მისჯილი და ის საპყრობილეში 11 წელს გაატარებს.
მიუხედავად იმისა, რომ კრემლის წამყვანი კრიტიკოსი ციხეში იმყოფება, ნავალნი აგრძელებს რუსეთის ხელისუფლების კრიტიკას და ამბობს, რომ კრემლი უკრაინაში ომს წააგებს.
Your browser doesn’t support HTML5
ვლადიმირ კარა-მურზას განაჩენი
ადვოკატები და საერთაშორისო დამკვირვებლები აცხადებენ, რომ კრემლი ცდილობს რუსეთში განსხვავებული აზრი ჩაახშოს და ოპონენტებს ყველა გზით ებრძვის. რუსეთში ნავალნის გუნდის წევრებიც იდევნებიან, მისი ორგანიზაციები კი აკრძალულია. მათი საქმიანობა კრემლმა „ექსტრემისტულად“ შეაფასა.