ჩრდილოეთ და სამხრეთ კორეა შეთანხმდნენ, რომ პარასკევს ერთობლივ, სამოკავშირეო დაწესებულებას გახსნიან. ოფისი სასაზღვრო კომუნიკაციას და ორ ქვეყანას შორის ურთიერთობის გაღრმავებას მოემსახურება.
ახალი დაწესებულება ჩრდილოეთ კორეის მხარეს, საზღვართან ახლოს მდებარე ქალაქ კესონგში განთავსდება. სამხრეთ კორეის ოფიციალური წყაროების მიხედვით, ერთობლივი ოფისი „24-საათიანი საკონსულტაციო და საკომუნიკაციო არხი“ გახდება, რომელიც ხელს შეუწყობს სამხედრო დაძაბულობის განმუხტვას და კორეის ნახევარკუნძულზე მშვიდობის დამყარებას.