ავიაკომპანიებმა შეერთებულ შტატებში 1 897 ფრენა გააუქმეს. ამის მიზეზი ყინულის შტორმია, რომელიც რამდენიმე შტატს ერთდროულად დაატყდა თავს, მათ შორის იმდენად დაშორებულ შტატებსაც, როგორებიც ტეხასი და დასავლეთ ვირჯინიაა.
გაუქმებულ რეისებს შორის ამერიკაში მიმავალი ან იქიდან მომავალი ფრენებიც შედის. ოთხშაბათ დილის 8 საათის მონაცემებით, კიდევ 750 რეისი გადაიდო. მონაცემები ფრენების საკონტროლო ვებ-გვერდის - FlightAware-ის მიხედვით არის შეჯამებული. ყველაზე მეტად მოყინულმა გზებმა და ტრასებმა ტეხასის შტატის აეროპორტები დააზარალა.
ერთი დღით ადრე, 31 იანვარს, შეერთებული შტატების ავიაციის ფედერალურმა ადმინისტრაციამ გაფრთხილება გაავრცელა. ის უამინდობის გამო, მგზავრებს რეისების მოსალოდნელი გაუქმებისა ან გადადების შესახებ აცნობებდა.
შობის უქმეებზე შტორმმა ამერიკაში ათეულობით ადამიანი იმსხვერპლა