უკრაინული დრონები თავს დაესხნენ "როსნეფტის" კუთვნილ ნავთობგადასამუშავებელ საწარმოს. ინფორმაციას უკრაინული წყაროები დღეს, 25 იანვარს ავრცელებენ.
"როსნეფტის" საწარმო რუსეთის სამხრეთში, ქალაქ ტუაფსეში მდებარეობს. რუსეთის სამხრეთ რაიონებში ბოლო დროს ენერგეტიკულ ინფრასტრუქტურაზე თავდასხმები გახშირდა. უკრაინა ოფიციალურად არც აღიარებს მათში მონაწილეობას და არც უარყოფს.
რუსეთის ადგილობრივმა ოფიციალურმა პირებმა განაცხადეს, რომ ღამით, საწარმოს ექსპორტზე ორიენტირებულ განყოფილებაში ხანძარი გაჩნდა, მაგრამ ის ჩააქრეს. წინასწარი ინფორმაციით, არც მსხვერპლი და არც დაშავებულები არ ყოფილან", - განაცხადა ტუაფსეს რაიონულმა ხელმძღვანელმა სერგეი ბოიკომ სოციალურ ქსელ "ტელეგრამზე".
თავად "როსნეფტს", რუსეთის უდიდეს ნავთობმწარმოებელს განცხადება აქამდე არ გაუკეთებია.
