იერუსალიმის შორიახლოს რაკეტა ჩამოვარდა

ისრაელსა და ჰამასის მიერ კონტროლირებად ღაზას სექტორს შორის ცეცხლის გაცვლა არ წყდება. ერთ-ერთი რაკეტა იერუსალიმის შორიახლოს ჩამოვარდა. ისრაელმა საპასხუდ დამატებითი სამხედრო რეზერვის მობილიზაცია გამოაცხადა. ამასთან გადაიკეტა მთავარი გზა ღაზას სექტორის გარშემო. იერუსალიმის ყველა უბანში საჰაერო რეიდის საყვირი ჩაირთო. თუმცა ისრაელის ოფიციალური პირების განცხადებით, შეტევის შედეგად არავინ დაშავებულა და მას არ მოჰყოლია ნგრევა.

პაუხისსმგებლობა მომხდარზე ჰამასმა აიღო თავის თავზე. პალესტინელებმა ღაზას სექტორში საპროტესტო სვლა მოაწყვეს. ამ ფონზე, პალესტინის პრეზიდენტმა მაჰმუდ აბასმა, მდინარე იორდანეს დასავლეთ ნაპირიდან პალესტინის მოსახლეობას მიმართა.