წარმომადგენელთა პალატის ყოფილი სპიკერი ნიუტ გინგრიჩი, ოფიციალურად გამოეთიშა რესპუბლიკური პარტიის საპრეზიდენტო ნომინაციის მარათონს. გინგრიჩმა ამ ხნის მანძილზე მხოლოდ ორი პრაიმერი მოიგო და 4 მილიონ სამასი ათასი დოლარი დახარჯა კამპანიისთვის.
გინგრიჩმა განცხადება ოთხშაბათს ვაშინგტონის გარეუბანში გააკეთა. მხარდამჭერებს კი განუცხადა, რომ მისი ოჯახისთვის წლევანდელი წელი განსაკუთრებული იყო. მან ასევე მადლობა გადაუხადა 179 ათასამდე დონორს, რომლებმაც მის კამპანიაში ფული ჩადეს.
