არჩევნების პირველი რაუნდი ეგვიპტეში დასრულდა, თებერვალში რევოლუციის შედეგად პრეზიდენტის ჰოსნი მუბარაკის დამხობის შემდეგ ეს ქვეყნის პირველი საპარლამენტო არჩევნებია.
დროებითი მთავრობის სამხედრო ლიდერები პირველ რაუნდს წარმატებულს უწოდებენ და ამომრჩველთა აქტივობას დადებითად აფასებენ. არჩევნების პერიოდში რაიმე პრობლემებს ადგილი არ ჰქონია. გაეროს გგენერალურმა მდივანმა ბან კი მუნმა მიულოცა ეგვიპტელებს არჩევნების მაღალ დონეზე ჩატარება, თავის მხრივ აშშ-ს სახელმწიფო დეპარტამენტის წარმომადგენელმა მარკ ტონერმა არჩევნებს მშვიდობიანი და წარმატებული უწოდა.
