საფრანგეთისა და გერმანიის ლიდერები აცხადებენ, რომ ევროპისთვის ეკონომიკის ზრდა და სამუშაო ადგილების შექმნა 2012 წლის პრიორიტეტს წარმოადგენს. ბერლინში გამართული შეხვედრის დროს ანგელა მერკელმა და ნიკოლა სარკოზიმ ასევე მხარი დაუჭირეს ფინანსური გადარიცხვების დაბეგვრის წინააღმდეგობრივ წინადადებასაც.
მხარეები მხარს უჭერენ ადრე წამოყენებულ ფისკალური დისციპლინისა და ეკონომიკის გაჯანსაღების წინადადებათა პაკეტს. სამუშაო ადგილების შექმნა და ევროპის კონკურენტუნარიანობის გაზრდა, მათი აზრით, წარმატების საწინდარს წარმოადგენს.
