ავღანეთის პრეზიდენტი ჰამიდ კარზაი თალიბანის ლიდერებს პირდაპირი მოლაპარაკებებისთვის იწვევს. ამასთან, კარზაი ამ მოლაპარაკებებში პაკისტანს დახმარებას და ხელშეწყობას თხოვს, რათა დასრულდეს ომი, რომელიც უკვე ათ წელზე მეტია მიმდინარეობს. სამშაბათს გაკეთებულ განცხადებაში კარზაი თალიბანის ლიდერებს მოუწოდებს გაათვითცნობიერონ "სამშვიდობო პროცესის მნიშვნელობა". მისი თქმით, ამ საქმეში ყველა ავღანელი ერთნაირად უნდა მონაწილეობდეს, თალიბების ჩათვლით, თუ ისინი რა თქმა უნდა ქვეყანაში მშვიდობიანად ცხოვრებას აპირებენ.
