თურქეთის ხელისუფლების განცხადებით,ქვეყნის აღმოსავლეთში სამხედრო პატრული ნაღმზე აფეთქდა, დაიჭრა 14 ჯარისკაცი.
ქალაქ ელაზიგში მიმავალი სამხედროების აფეთქებაში თურქეთის ხელისუფლებამ ქურთი მეამბოხეები დაადანაშაულა.
ამასობაში თურქეთის პოლიციამ ქალაქ იზმირში ტერაქტის ორგანიზებაში ეჭვმიტანილი 4 პიროვნება დააპატიმრა.
თურქეთის ხელისუფლების განცხადებით,ამ ტერაქტის უკან ქურთისტანის მუშათა პარტია დგას. ამ ორგანიზაციამ გასულ პარასკევს გამოაცხადა,რომ აღარ დაიცავს ანკარასთან ერთი წლის წინათ დადებულ ცეცხლის შეწყვეტის შეთანხმებას.
