ლიბიის ქალაქი სირტი, სადაც კადაფის ერთგული ძალები არიან გამაგრებულნი საარტილერიო დაბომბვის ქვეშ მოჰყვა.
ლიბიის ეროვნული გარდამავალი საბჭოს მეომრები რამდენიმე დღის წინ ქალაქის ცენტრში შეიჭრნენ, მაგრამ კადაფის ერთგული სნაიპერების მიერ გააფთრებული წინააღმდეგობის გამო იძულებულნი იყვნენ უკან დაეხიათ.
ბრძოლები მიმდინარეობს უდაბნოში მდებარე ქალაქ ბანი ვალიდის მისადგომებთან, სადაც ასევე კადაფის ერთგული ჯარები არიან გამაგრებულნი.
ამასობაში ლიბიის ეროვნული გარდამავალი საბჭოს თავმჯდომარემ მუსტაფა აბდელ ჯალილმა განაცხადა, რომ დროებითი მთავრობის შემადგენლობას მომავალ კვირას გამოაცხადებს.
