ობამას უმნიშვნელო უპირატესობა არჩევნებამდე

ამერიკის პრეზიდენტი ბარაკ ობამა და მისი რესპუბლიკელი ოპონენტი, მასაჩუსეტის ყოფილი გუბერნატორი მიტ რომნი ამომრჩეველთა შორის თითქმის თანაბარი მხარდაჭერით სარგებლობენ. ამერიკის საპრეზიდენტო არჩევნები სამშაბათს 6 ნოემბერს გაიმართება.
პ რეზიდენტს უმნიშვნელო უპირატესობა აქვს მერყევ შტატებში, რომლებიც გადამწყვეტ როლს ითამაშებს პრეზიდენტის არჩევაში. გამარჯვებისთვის კანდიდატმა საარჩევნო კოლეგიის 270 ხმა უნდა მოაგროვოს.
ერთ-ერთი უმინიშვნელოვანესი მერყევი შტატი ოჰაიოა, სადაც გუშინ ორივე კანდიდატი რამდენიმე საათით ჩავიდა და ამომრჩევლებთან შეხვედრები გამართა.
დეტალებზე იმის შესახებ, თუ როგორ ნაწილდება საარჩევნო კოლეგიის ხმები შტატებზე და როგორაა ამჟამად ეს ხმები განაწილებული კანდიდატებზე, ეწვიეთ ჩვენს ვებ გვერდს www.amerikiskhma.com და შედით ფურცელზე „ამერიკის არჩევნები“ (http://www.amerikiskhma.com/section/usa-elections/3444.html)