რუსეთის მთლიანი შიდა პროდუქტი 2020 წლის პირველ ნახევარში 4.2%-ით შემცირდა. ამის შესახებ დღეს რუსეთის ეკონომიკის მინისტრმა მაქსიმ რეშეტნიკოვმა განაცხადა.
ასევე ნახეთ: მორიგი სანქციები რუსული "ტროლების ქარხნის“ დირექტორს და შეფასებები ვაშინგტონიდანრეშეტნიკოვის თქმით, მისი სამინისტრო ეცდება წლის ბოლომდე ეკონომიკის შეკუმშვა 4.8%-ზე დაბლა შეინარჩუნოს. თუმცა, ეკონომიკის სამინისტრო მესამე და მეოთხე კვარტლის პროგნოზს აგვისტოში გააკეთებს.
კორონავირუსის პანდემიის და მსოფლიოში ნავთობზე ფასების რეკორდულმა ვარდნამ, რუსეთის ეკონომიკას დიდი ზიანი მიაყენა.
ასევე ნახეთ: რუსული საინფორმაციო ომი და საფრთხეები, რომელსაც ევროპა და ამერიკა უნდა გაუმკლავდნენამ ფონზე, ოთხშაბათს ქვეყნის მასშტაბით კოვიდ-19-ის 5 862 ახალი შემთხვევა დაფიქსირდა. რუსეთში ახალი კორონავირუსით ჯამში 789 190 ადამიანია დაინფიცირებული. ბოლო დღე-ღამის განმავლობაში ქვეყნის მასშტაბით 165 ადამიანი გარდაიცვალა, რითაც ვირუსის მსხვერპლთა რაოდენობა, პანდემიის დაწყებიდან დღემდე, 12 745-მდე გაიზარდა.