“საქართველოს თავდაცვის ძალებთან პარტნიორობა გრძელდება”,- ამბობს ამერიკის თავდაცვის დეპარტამენტის პრესსპიკერი, გენერალ-მაიორი პატრიკ რაიდერი და განმატავს, რომ ამერიკის შეერთებული შტატები გააგრძელებს საქართველოს დახმარებას გააძლიეროს თავდაცვის შესაძლებლობები.
Your browser doesn’t support HTML5
რაიდერი: ჩვენ გავაგრძელებთ პარტნიორობას საქართველოს თავდაცვის ძალებთან
“ჩვენ გავაგრძელებთ პარტნიორობას საქართველოს თავდაცვის ძალებთან და გზების ძიებას რათა გაძლიერდეს საქართველოს უნარი დაიცვას თავისი სუვერენიტეტი და შეინარჩუნოს ტერიტორიული მთლიანობა. წვრთნების გაუქმების გადაწყვეტილების მიღება არ იყო მარტივი. ჩვენ დიდ ყურადღებას ვაქცევთ ამ წვრთნების მნიშვნელობას, რასაც პარნიორები და მოკავშირეები მატებენ ისეთ წვრთნებს, როგორიც არის ღირსეული პარტნიორი. ასე, რომ ჩვენ ვაპირებთ გავაგრძელოთ და ველით მომავალ შესაძლებლობებს ვითანამშრომლოთ მოკავშირეებთან და პარტნიორებთან”,- თქვა პატრიკ რაიდერმა გამართულ პრესკონფერენციაზე, “ამერიკის ხმის” კითხვაზე პასუხად, აღიქვამს თუ არა თავდაცვის დეპარტამენტი, ბოლოს განვითარებული მოვლენების ფონზე საქართველოს როგორც მეგობრულ ქვეყანას რეგიონში.
ასევე ნახეთ: რატომ "უარყოფს რეალობას" "ქართული ოცნება"თავდაცვის დეპარტამენტის პრესსპიკერმა მანამდე განმარტა, რომ ამ ეტაპზე “ღირსეული პარტნიორის” წვრთნების გადადების გარდა არცერთი ქართულ-ამერიკული პროგრამა არ გაუქმებულა ან შეჩერებულა.
სამხედრო წვრთნების “ღირსეული პარტნიორის” გაურკვეველი ვადით გადადების გადაწყვეტილება, ამერიკის თავდაცვის დეპარტამენტმა 5 ივლისს გამოაცხადა.
გასულ კვირას, რაიდერმა ეს ნაბიჯი შემდეგნაირად ახსნა.
"სამწუხაროდ, მიღებულია გადაწყვეტილება ამ წვრთნების გადადების შესახებ, მისი გაუქმების შესახებ იმ ფაქტის გამო, რომ ჩვენ ვიხილეთ ძალიან შემაშფოთებელი რიტორიკა, რომელიც გულისხმობს ყალბ განცხადებებს, თითქოს ამერიკის შეერთებული შტატები გამიზნულად ცდილობდა რეგიონში დაძაბულობის გამწვავებას, რაც აბსოლუტურად მცდარია", - ამბობს პეტ რაიდერი და დასძენს, რომ ეს მიზანი არა ამერიკას, არამედ - რუსეთს აქვს.
"რუსეთია ის, ვინც ცდილობს უკრაინაში ამ კონფლიქტში დაძაბულობის გამწვავებას. ასე რომ, კიდევ ერთხელ ვიტყვი, ჩვენ გავაგრძელებთ იმ გზების ძიებას, თუ რა ორმხრივი ჩართულობა შეიძლება გვქონდეს საქართველოსთან. ვაფასებთ ჩვენს პარტნიორობას. ისინი [საქართველო] მნიშვნელოვან როლს ასრულებენ რეგიონში და განვაგრძობთ ამაზე ფოკუსირებას", - უთხრა მან "ამერიკის ხმას" ნატოს სამიტის მიმდინარეობისას.
ასევე ნახეთ: პენტაგონმა საქართველოსთან ერთობლივი წვრთნები განუსაზღვრელი ვადით გადადოგადაწყვეტილების გამოცხადებისას, თავდაცვის დეპარტამენტის განცხადებაში ნათქვამი იყო, რომ ამის მიზეზი საქართველოს მთავრობის მხრიდან გაკეთებული განცხადებებია.
"გადაწყვეტილება განპირობებულია საქართველოს მთავრობის ცრუ ბრალდებებით შეერთებული შტატებისა და სხვა დასავლური სუბიექტების მიმართ, რომ ისინი ზეწოლას ახდენდნენ საქართველოზე, რათა მას მეორე ფრონტი გაეხსნა რუსეთის წინააღმდეგ, უკრაინაზე ზეწოლის შესამსუბუქებლად და რომ მათ მონაწილეობა მიიღეს მმართველი პარტიის წინააღმდეგ, გადატრიალების ორ მცდელობაში. აქედან გამომდინარე, შეერთებული შტატების მთავრობამ დაადგინა, რომ ეს არის შეუსაბამო დრო საქართველოში ფართომასშტაბიანი სამხედრო წვრთნების ჩასატარებლად.”- წერია 5 ივლის თავდაცვის დეპარტამენტის მიერ გამოქვეყნებულ განცხადებაში.
ამავდროულად, გასულ კვირას, საქართველოსთვის სამხედრო დახმარების შეჩერების გადაწყვეტილება მიიღო ასევე ევროკავშირმა. ბლოკმა ქვეყანას თავდაცვის ძალებისთვის განკუთვნილი 30 მილიონი ევროს ოდენობის დახმარება გაუყინა.