2017 წლის ნობელის პრიზი ლიტერატურაში ბრიტანელ მწერალ კაზუო იშიგუროს მიენიჭა. გამარჯვებული შვედეთის მეცნიერებათა აკადემიამ დღეს გამოავლინა.
ბრიტანელი ავტორი ცნობილია რომანით, „დღის ნარჩენები“
შესარჩევმა კომისიამ განაცხადა, რომ იშიგუროს მწერლობა აჩვენებს "სამყაროსთან ჩვენი კავშირების სიღრმეს."
BREAKING NEWS The 2017 #NobelPrize in Literature is awarded to the English author Kazuo Ishiguro pic.twitter.com/j9kYaeMZH6
— The Nobel Prize (@NobelPrize) October 5, 2017
ლაურეატის გამოცხადების შემდეგ შვედეთის მეცნიერებათა აკადემიის წარმომადგენელმა სარა დანიუსმა იშიგურო შემდეგი სიტყვებით დაახასიათა:
"თუ ერთმანეთში შეაზავებთ ჯეინ ოსტინს და ფრანც კაფკას, მიიღებთ კაზუო იშიგუროს, მაგრამ ასევე უნდა დაამატოთ მარსელ პრუსტიც."
62 წლის იშიგურო წარმოშობით იაპონიიდანაა, ის ნაგასაკაშია დაბადებული, 5 წლის ასაკში მისი ოჯახი ბრიტანეტში გადასახლდა.
წელს ლიტერატურის დარგში პრემიაზე წარდგენილები ასევე იყვნენ ჩეხი მწერალი მილან კუნდერა, კანადელი მარგარეტ ეტვუდი და იაპონელი ჰარუკი მურაკამი.
ნობელის პრიზი ლიტერატურის დარგში 1901 წლიდან მოყოლებული 110 წერალს გადაეცა. გასულ წელს ამ დარგში ჯილდო მომღერალმა და მუსიკოსმა ბობ დილანმა მიიღო.