ირანული მედიის ცნობით, თეირანში ბომბის აფეთქების შედეგად უნივერსიტეტის პროფესორი დაიღუპა, რომელიც ირანის ბირთვულ პროგრამაზე მუშაობდა. ფარსის სააგენტოს მიერ გავრცელებული ცნობით, უცნობმა მოტოციკლისტმა ბომბი მოსტაფა როშანის ავტომობილზე მიამაგრა. ირანის ხელისუფლებამ მომხდარში ისრაელი დაადანაშაულა. ინფორმაციის მიხედვით, აფეთქების შედეგად კიდევ ორი ადამიანი დაიჭრა. სააგენტოს ცნობით დაღუპული პროფესორი ნათანზის ბირთვულ ობიექტზე ერთერთ დეპარტამენტს ხელმძღვანელობდა.
