სამიტის მასპინძელი ქვეყნის, ინდოეთის განცხადებით, დიდი ოცეულის (G20) ქვეყნებმა, ლიდერების ერთობლივ დეკლარაციაზე მუშაობა თითქმის დაასრულეს. დელის ეს განცხადება შეიძლება მიანიშნებდეს, რომ მომლაპარაკებლებმა, დეკლარაციის კონტექსტში, უკრაინის საკითხზე არსებული უთანხმოება გადალახეს.
ასევე ნახეთ: ბაიდენი დიდი ოცეულის სამიტზე ჩადის, პუტინს ინდოეთში არ ელიანმომლაპარაკებელი ამიტაბჰ კანტმა ამბობს, რომ სამიტის დასკვნითი განცხადება, ლიდერთა დეკლარაცია, გლობალური სამხრეთისა და განვითარებადი ქვეყნების „ხმა“ იქნება.
„დელის ლიდერთა დეკლარაცია თითქმის მზად არის. ეს დეკლარაცია წარდგენილი იქნება ლიდერებისთვის“ - თქვა კანტმა დელიში გამართულ პრესკონფერენციაზე.
ასევე ნახეთ: დიდი ოცეულის სამიტს დრონსაწინააღმდეგო სისტემები და უსაფრთხოების 130 000 ოფიცერი დაიცავსმსოფლიოს 20 მსხვილი ეკონომიკის მქონე ქვეყნების შეხვედრაზე შეკრებილი მომლაპარაკებლები დღეებია დავობენ, დოკუმენტის საბოლოო ფორმულირებაზე და შეთანხმების მიღწევას ცდილობენ. ძირითადად ეს უკრაინაში მიმდინარე რუსეთის ომის ნაწილში იყო. მათი სურვილია, კომუნიკეს მოსკოვი და პეკინიც შეუერთდეს, რაც საბოლოო ჯამში, გლობალური პრობლემების გადალახვას ემსახურება, როგორიცაა ვალები და კლიმატის ცვლილებები.
ასევე ნახეთ: ლავროვი: რუსეთი დიდი ოცეულის დეკლარაციას დაბლოკავს, თუ მის პოზიციას არ გაითვალისწინებენშაბათ-კვირის სამიტზე დელიში ძირითადად დასავლეთი და მისი მოკავშირეები დომინირებენ. ჩინეთის პრეზიდენტი სი ძინპინი შეხვედრას გამოტოვებს და მის ნაცვლად პრემიერ ლი ჩიანგს აგზავნის.
სამიტს ასევე არ დაესწრება რუსეთის პრეზიდენტი ვლადიმირ პუტინი. მოსკოვი სამიტზე საგარეო საქმეთა მინისტრის დონეზე იქნება წარმოდგენილი. სერგეი ლავროვმა გასულ კვირას თქვა, რომ თუ დეკლარაციაში რუსეთის ინტერესები და პოზიციები გათვალისწინებული არ იქნება, მოსკოვი მის მიღებას მხარს არ დაუჭერს.