ბელარუსში დააკავეს რუსეთის მოქალაქე, რომელსაც რუსეთის ჯარის დისკრედიტაციას ედავებოდნენ. 54 წლის რუსეთის მოქალაქემ არსებული ინფორმაციით შინაპატიმრობის წესები დაარღვია, რუსეთიდან გაიქცა და თავი ბელარუსს შეაფარა, სადაც ის დააკავეს. ალექსეი მოსკალიოვი სასამართლომ დამნაშავედ სცნო და მას 2 წლით თავისუფლების აღკვეთა მიუსაჯა.
ამ დროისთვის უცნობია, როგორ დაფარა 54 წლის მამაკაცმა 700 კილომეტრი და რა სამართლებრივი შედეგები შეიძლება მოჰყვეს მის ქმედებებს.
მოსკალიოვს რუსეთის ჯარის დისკრედიტაციას მას შემდეგ ედავებიან, რაც სკოლაში მისმა, 12 წლის, ქალიშვილმა დახატა ნახატი, სადაც ჩანდა, რომ უკრაინელ დედას და შვილს რუსეთი რაკეტებს ესროდა.
Cuando la niña mostró en clase este dibujo en contra de la guerra de Ucrania, su colegio llamó al Servicio Federal de Seguridad para interrogarla. Su padre ha sido condenado ahora a dos años de cárcel https://t.co/BVF5XdEKdw📷 Olga Podolskaya (imagen publicada por la BBC) pic.twitter.com/zBiwEKlv7P
— EL PAÍS (@el_pais) March 28, 2023
ბრალდების მხარეს ნახატის შესახებ არ უსაუბრია, თუმცა პროკურორებმა სასამართლოში წარადგინეს ის კომენტარები, სადაც 54 წლის რუსეთის მოქალაქე სოციალურ ქსელებში რუსული ჯარის შესახებ საუბრობდა.
საკითხი კიდევ უფრო აქტუალური გახდა მას შემდეგ რაც, მოსკალიოვის ქალიშვილი მაშა, რომელიც ახლა 13 წლისაა, მარტში ბავშვთა სახლში მოათავსეს.