არეულობა ბანგლადეშში

ბანგლადეშში ათასობით რადიკალი მუსლიმი ქვეყანაში ღვთისგმობის საწინააღმდეგო კანონის მიღებას ითხოვს. დედაქალა დაკაში გამართული დემონსტრაცია პოლიციასთან შეტაკებაში გადაიზარდა, რის შედეგადაც ოთხი ადამიანი დაიღუპა და 50-ზე მეტი დაშავდა. პოლიციის განცხადებით, არეულობა მას შემდეგ დაიწყო, რაც დემონსტრანტებმა პოლიციას ქვები დაუშინეს. ადგილობრივი მედიის ცნობით, დემონსტრაციის დროს თვითნაკეთი ბომბებიც აფეთქდა. არის ცნობები, დამტვრეული ავტომობილების და დამწვარი მაღაზიების შესახებ.