სამხრეთ კორეა აცხადებს, რომ ჩრდილოეთ კორეასთან დამაკავშირებელი გზა გაიხსნა. ეს გზა დემილიტარიზებულ ზონაზე გადის. ორ კორეას შორის ურთიერთობის მოწესრიგების მიზნით, მხარეების მიერ ეს კიდევ ერთი წინ გადადგმული ნაბიჯია.
თავდაცვის სამინისტროს ინფორმაციით, ფხენიანი და სეული გზის გაყვანაზე ერთობლივად ოქტომბრის შემდეგ მუშაობდნენ.
გზა სიგანეში 12 მეტრია და სიგრძეში 3 კილომეტრი. მისი აშენების შესახებ შეთანხმებას მხარეებმა ხელი სექტემბერში, ფხენიანში გამართულ სამიტზე მოაწერეს.