გაეროში ფიქრობენ, რომ მსოფლიოს განვითარებულ ქვეყნებს, კოვიდ-19-ის წინააღმდეგ „მოკლევადიანი“ რეაგირება აქვს. ჰუმანიტარულ საკითხებში, გაეროს გენერალური მდივნის მოადგილე აცხადებს, რომ პანდემიამ დაბალშემოსავლიანი ქვეყნები განსაკუთრებით აზარალა, მდიდარი სახელმწყოფოების რეაგირება კი ხანმოკლე და უმნიშვნელო იყო.
მარკ ლოუკოკი ფიქრობს, რომ ამ პოლიტიკას, შესაძლოა მსოფლიოში ჯანდაცვის კრიზისის გამწვავება მოჰყვეს. ამიტომ, ის „დიდი ოცეულის“ ქვეყნებს მოუწოდებს, 63 მოწყვლადი ქვეყნისთვის, 10.3 მილიარდი ამერიკული დოლარი გამოჰყონ. ამ დროისთვის, განვითარებადი ქვეყნების დასახმარებლად 1.64 მილიარდი ამერიკული დოლარია დახარჯული.
გაეროს გათვლებით, პანდემიისა და ეკონომიკური კრიზისის გამო, მომდევნო თვეების განმავლობაში, 250 მილიონი ადამიანი, შესაძლოა, უკიდურესად გაღარიბდეს.
Facebook Forum