გაეროს უშიშროების საბჭომ ჩრდილოეთ კორეის წინააღმდეგ უკანასკნელი 20 წლის განმავლობაში ყველაზე მკაცრი სანქციები დაამტკიცა ბირთვული და შორი რადიუსის სარაკეტო ტესტების გამო.
დღევანდელი კენჭისყრა მოსდევს უშიშროების საბჭოში მოსმენას ანგარიშისა- თუ როგორ აუარა გვერდი ფხენიანმა საერთაშორისო სანქციებს გასული დეკადის მანძილზე.
ამ ანგარიშის ავტორია გაეროს კომისია, რომელიც სანქციებით დაკისრებული მოვალეობების დარღვევებს აკვირდება. კომისიის ანგარიში ადასტურებს, რომ 2006 წლის შემდეგ დაწესებულმა სანქციებმა ვერ გაამართლა და ვერც კიმ იონგ უნის დარწმუნება შეძლო უარი ეთქვა ბირთვულ და ბალისტიკურ პროგრამაზე.