უკრაინა იუწყება, რომ პარასკევს, 15 სექტემბერს ქვეყნის შეიარაღებულმა ძალებმა სოფელი ანდრიივკა დაიბრუნა. ეს იმაზე მიანიშნებს, რომ უკრაინა ფრონტის სამხრეთ ფლანგზე წინ მიიწევს და ბახმუტის მიმართულებით წინსვლა აქვს. ბახმუტი რუსეთის მიერაა კონტროლირებული, თუმცა უკრაინის ამ პატარა ქალაქის ასაღებად, რუსულ ჯარს თვეები და დაქირავებული სამხედრო დაჯგუფება "ვაგნერის" დახმარება დასჭირდა.
უკრაინის გაერთიანებული შტაბის მიერ გავრცელებული ინფორმაციის მიხედვით, უკრაინელი სამხედროების წინსვლისას, მტრის ძალებმა დიდი დანაკარგი განიცადეს და დიდძალი ტექნიკა დაკარგეს.
სოფელი ანდრიივკა ბახმუტის სამხრეთით მდებარეობს. უკრაინის გაერთიანებული შტაბი, ნაწილობრივ წინსლვაზე საუბრობს სოფელ კლისჩიივკაშიც. "ანდრიივკის აღება და მისი შენარჩუნება, ჩვენი გზის ნაწილია, რომელიც ბახმუტის მარჯვენა ფრონტზე გადის და წარმატების გასაღებია მთლიანი სამომავლო კონტრშეტევისთვის",- ნათქვამია მესამე ბრიგადის მიერ გავრცელებულ განცხადებაში. სწორედ ამ ბრიგადამ შეძლო ავდიივკის დაბრუნება.
უკრაინა წინ მიიწევს ძალიან ფრთხილად, რათა თავიდან აიცილოს ნაღმები და "ძალიან აქტიური" რუსული თავდაცვა. ამის შესახებ კომენტარი ბრიგადის სპიკერმა, ოლექსანდრ ბოროდინმა გააკეთა.
Facebook Forum