თურქეთში გზისპირა ნაღმი აფეთქდა

სამშაბათს, აღმოსავლეთ თურქეთში ბომბის აფეთქებას შვიდი ადამიანის სიცოცხლე ემსხვერპლა.

უსაფრთხოების უწყების განცხადებით, ასაფეთქებელი მოწყობილობა ქალაქ ტუნჩელის გზატკეცილზე ამოქმედდა, როდესაც ადგილზე სამხედრო ავტომობილმა გაიარა. აფეთქებას ექვსი ჯარისკაცი და ერთი სამოქალაქო პირი ემსხვერპლა. მეორე ავტომობილი აფეთქების ტალღამ დააზიანა.

აფეთქებაზე პასუხისგებლობა არცერთ დაჯგუფებას არ აუღია საკუთარ თავზე. თუმცა, ხელისუფლების ვარაუდით, აფეთქება ქურთმა ამბოხებულებმა მოაწყვეს.