ექსპერტების მისია დამასკოში განახლდა

ვაშინგტონი —  საერთაშორისო ექსპერტებმა დამასკოში დაიწყეს უპრეცედენტო, გაეროს სპონსორებით მიმდინარე მისია, რომელიც სირიის ქიმიური იარაღის განადგურების პროცესის ზედამხედველობას გულისხმობს.

ჰოლანდიაში დაფუძნებული ქიმიური იარაღის აკრძალვის ორგანიზაციის ექსპერტები გაეროს ტრანსპორტით დამასკოს სასტუმროდან გავიდნენ პირველი მისიის შესასრულებლად. ცნობილი არ არის თუ რა მიმართულებით მიემგზავრებიან ისინი.

უცხოელ ექსპერტთა ჯგუფი ქიმიური იარაღის აკრძალვის ორგანიზაციის 19 თანამშრომელსა და გაეროს 14 ექსპერტს აერთიანებს.