ცეცხლის შეწყვეტის გადაწყვეტილების მიღების მიუხედავად, სირიაში სამთავრობო ძალებმა ბოლო დღეებში დედაქალაქ დამასკოსთან საჰაერო იერიშები განაახლეს. ინფორმაციას ლონდონში ბაზირებული უფლებადამცველი ორგანიზაცია „სირიის ადამიანთა უფლებების ობსერვატორიაც“ ადასტურებს.
ამბოხებულ ჯგუფთა კოალიციამ განაცხადა, რომ წყვეტს სამშვიდობო მოლაპარაკებას, რომელიც იანვარში ყაზახეთის დედაქალაქ ასტანაში დაგეგმილ შეხვედრას ამზადებს. „ძალადობის გაგრძელების ფონზე ამბოხებულთა ჯგუფები... ყინავენ ყველა დისკუსიას, რომელიც ასტანაში მოლაპარაკებას უკავშირდება“ - ნათქვამია ორშაბათს გაკეთებულ ერთობლივ განცხადებაში.
