ჰაკერებმა, რომლებიც გამოსასყიდის მისაღებ მასიურ თავდასხმაში არიან ეჭვმიტანილი, მათ მიერ ჩაკეტილი სისტემების გახსნის სანაცვლოდ, კრიპტო-ვალუტის სახით 70 მილიონი დოლარი მოითხოვეს.
მოთხოვნა კვირას გამოჩნდა “დარქ ვების” ვერდზე, რომელსაც რუსეთთან დაკავშირებული REvil იყენებს.
პარასკევს განხორციელებულმა ჰაკერულმა თავდასხმამ, მთელ მსოფლიოში ასობით კომპანიის და საჯარო სააგენტოს სისტემებზე მოახდინა გავლენა.
ამაში შედოდა მაიამიში დაფუძნებული პროგრამული უზრუნველყოფის კომპანია Kaseya-ს სისტემებში შეღწევა. კომპანიამ თავდასხმას “დახვეწილი” უწოდა და განცხადებაში თქვა, რომ მომხმარებლებისთვის აქვს მათ სისტემებში შეღწევის აღმოჩენის პროგრამა და იმედი აქვს, მონაცემთა ცენტრებზე წვდომას დღის ბოლომდე აღადგენს.
აშშ-ის გამოძიების ფედერალურმა ბიურომ განაცხადა, რომ REvil არის პასუხისმგებელი თავდასხმაზე, რომელმაც მსოფლიოში უდიდესი ხორცის გადამამუშავებლის, კომპანია JBS-ის მუშაობა გააჩერა.
Facebook Forum