კრასნოდარის ოლქთან ახლოს, აზოვის ზღვაში რუსულმა სუ25-მა ავიაკატასტროფა განიცადა, რა დროსაც პილოტი დაიღუპა. ინფორმაცია თავდაპირველად სოციალურ მედიაში გავრცელდა, მოგვიანებით კი ის რუსეთის სამხრეთ სამხედრო ოლქმაც დაადასტურა.
ოფიციალური ინფორმაციით, თვითმფრინავის ჩამოვარდნის მიზეზი ძრავის გაუმართაობა გახდა.
რუსული საინფორმაციო სააგენტოები წერენ, რომ მფრინავი ზღვიდან მაშველებმა ამოიყვანეს და ის საავადმყოფოში გადაიყვანეს, თუმცა მისი გადარჩენა ექიმებმა ვერ შეძლეს.
ინფორმაცია პილოტის გარდაცვალების შესახებ, ცოტა ხნის წინ, კრასნოდარის ოლქის იესკის რაიონის ხელმძღვანელმა დაადასტურა. რომან ბუბლიკმა, დაღუპულთა ოჯახის წევრებს სამძიმარი გამოუცხადა. მისი განცხადება „ტელეგრამში“ გავრცელდა.
Facebook Forum