აშშ უარყოფს მონაწილეობას ოთხშაბათს მომხდარ მკვლელობაში, რომლის დროსაც ირანელი ბირთვული მეცნიერი თეირანში დაიღუპა.
აშშ სახელმწიფო დეპარტამენტმა თავდაპირველად უარი განაცხადა კომენტარი გაეკეთებინა მომხდარზე. თუმცა მოგვიანებით თეთრი სახლის წარმომადგენელმა თომი ვიეთორმა აღნიშნა, რომ ამერიკა გმობს მომხდარს ან სხვა ნებისმიერი ძალადობის ფაქტს.
სახელმწიფო მდივანმა ჰილარი კლინტონმა გაიმეორა თეთრი სახლის განცხადება და კატეგორიულად უარყო ამერიკის მონაწილეობა მომხდარში.