კვირას, ვენაში მდინარე დუნაიში ლიბიის ნავთობის ყოფილი მინისტრის გვამი აღმოაჩინეს.
პოლიციის განცხადებით, მსხვერპლს ძალადობის ნიშნები არ აღენიშნება და შესაძლებელია რომ შუქრი ღანემს თავი შეუძლოდ ეგრძნო, რის შედეგადაც ის წყალში ჩავარდა. ხელისუფლების ინფორმაციით, მის ცხედარს სამედიცინო ექსპერტიზა ჩაუტარდება.
ღანემი ლიბიის ნავთობის მინისტრი 2006 წლიდან იყო სანამ ის მოამარ კადაფის ხელისუფლებიდან გასულ წელს ავსტრიაში გაიქცა. მოგვიანებით, მან საჯაროდ გამოუცხადა მხარდაჭერა ამბოხებულებს.
