დღეს, ერაყის დიალას პროვინციაში კამიკაძე ტერორისტი სამხედრო პატრულს დაესხა თავს. ინციდენტის შედეგად ამერიკელი და ერაყელი ჯარისკაცები დაიღუპნენ.
ამ ფონზე, ერაყში დისლოცირებული ამერიკელი სამხედროების წარმომადგენელი ადასტურებს, რომ ქალაქ ჯალაუაში მანქანის აფეთქების შედეგად ორი ამერიკელი ჯარისკაცი დაიღუპა. დაშავდა ექვსი.
ერაყელი ოფიციალური პირები იტყობინებიან ბაღდადში მომხდარი აფეთქების შესახებაც, რომლის დროს ორი ადამიანი გარდაიცვალა.
გუშინ კი ქალაქ ტიკრიტში მანქანის აფეთქებას ერთი ადამიანის სიცოცხლე ემსხვერპლა. დაშავდა 10.