ბირმაში დღეს საპარლამენტო არჩევნები ტარდება, რაც არის უმთავრესი გამოცდა ქვეყანაში დემოკრატიული რეფორმების განხორციელების გზაზე. ეს პირველი არჩევნებია, მას შემდეგ, რაც შარშან მარტში ქვეყანაში ნომინალურად სამოქალაქო მმართველობა დამყარდა. მთავარი ოპოზიციური ლიდერი აუნ სან სუ ჩი და მისი ეროვნული ლიგა 1990 წლის შემდეგ დემოკრატიისთვის პირველად მონაწილეობენ არჩევნებში. 1990 წელს მან და მისმა პარტიამ საყოველთაო არჩევნებში დამაჯერებელი გამარჯვება მოიპოვეს, თუმცა სამხედრო ხუნტამ ძალაუფლების დათმობაზე უარი განაცხადა.