სომალიში მედია ქსელის მესამე ხელმძღვანელი მოკლეს

მსოფლიო ჟურნალისტური გაერთიანებები სომალიში შაბელის მედიაქსელის დირექტორის ჰასან ოსმან აბდის მკვლელობას გმობენ. ის ამ ქსელის უკვე მესამე ლიდერია, რომელიც მოკლეს. ორგანიზაციამ "რეპორტიორები საზღვრებს გარეშე" გაავრცელა განცხადება, სადაც აბდის ოჯახის და კოლეგების მიმართ სამძიმარი გამოხატა. პარიზში მოქმედი ორგანიზაციის განცხადებაში ნათქვამია, რომ აბდი სომალიში 2012 წელს დაღუპული პირველი ჟურნალისტია. სომალი აფრიკაში ჟურნალისტთა მკვლელობის რეიტინგში პირველ ადგილს იკავებს. შაბილის მედია ქსელის პირველი დირექტორი 2007 წელს მოკლეს. მეორე ხელმძღვანელი მოჰამედ ჰირაბი კი 2009 წელს დაიღუპა.