იემენის სამხედრო საზღვაო ძალებმა სწრაფმავალი კატერი ჩაძირეს, რომელიც ერთ-ერთ სამხედრო ხომალდს საეჭვოდ უახლოვდებოდა.
ეს ინციდენტი აბიანის პროვინციის სანაპიროსთან მოხდა, სადაც ალ-ყაიდას მეომრები მოქმედებენ. მათ ადრეც არა ერთხელ გამოუყენებიათ ასაფეთქებელი ნივთიერებით დატვირთული ნავები ტერაქტების მოსახდენად.
2000 წლის ოქტომბერში ალ-ყაიდამ ამგვარი ნავის საშუალებით ამერიკული სამხედრო ხომალდი ააფეთქა, რომლის დროსაც 17 მეზღვაური დაიღუპა.
იემენში დაწყებული არეულობის შემდეგ, ალ-ყაიდას მეომრებმა აბიანის პროვინციის დედაქალაქი ზინჯიბარი და ქალაქი ჯაარი ჩაიგდეს ხელში.
