გაეროს უშიშროების საბჭომ გააფორმა ხელშეკრულება, რომლის თანახმადაც, სირიაში დამკვირვებელთა რაოდენობა 30-დან 300-მდე გაიზრდება.
გაეროში საფრანგეთის ელჩის ჯერარდ აროდის განცხადებით, ამ შეთანხმებას ხელი წევრებმა შაბათს შეხვედრაზე უნდა მოაწერონ.
გაერომ დამკვირვებლები სირიაში საერთაშორისო ელჩის კოფი ანანის სირიის მთავრობასთან შეთანხმების შემდეგ გააგზავნა.
თვითმხილველების განცხადებით, სირიაში საპროტესტო დემონსტრაციების ტალღა კვლავ გაძლიერდა. ასადის სამთავრობო ძალები კვლავ აკონტროლებენ ქვეყანას და მშვიდობიანი მომიტინგეების წინააღმდეგ ცეცხლს იყენებენ.
