ავღანეთში მინისტრები დაითხოვეს

ავღანეთის პარლამენტმა თავდაცვის და შინაგან საქმეთა მინისტრები დაითხოვა. ავღანმა კანონმდებლებმა მინისტრებს კითხვები დაუსვეს ბოლო დროს მომხდარი ჩავარდნების შესახებ, მათ შორის პაკისტანთან საზღვრის მონაკვეთზე მომხდარი შეტაკების თაობაზე.

თავდაცვის მინისტრი აბდულ რაჰიმ ვარდაქი და შინაგან საქმეთა მინისტრი ბისმულა მუჰამედი პრეზიდენტ კარზაის მთავრობაში საკვანძო ფიგურები იყვნენ.