<!-- IMAGE -->
ქრისტიანული სამყარო აღდგომის ბრწყინვალე დღესასწაულისთვის ემზადება. ათი ათასობით ადამიანი წმინდა მიწაზე მაცხოვრის ტაძარშია შეკრებილი. მათ წმინდა ცეცხლის გარდამოსვლის ცერემონიაში მიიღეს მონაწილეობა.
მართლმადიდებელი ქრისტიანები დღეს ბერძენი პატრიარქის მიერ ცეცხლის გარდამოსვლის და მღვიმიდან გამოტანის რიტუალს დაესწრნენ.
პატრიარქმა თეოფილემ მღვიმიდან ცეცხლი გამოიტანა და მორწმუნეებს გაუნაწილა. მართლმადიდებლური ტრადიციის თანახმად, ღვთაებრივი ცეცხლი ყოველი აღდგომის წინა დღეს შაბათს გადმოდის მართლმადიდებელი პატრიარქის კელაპტარზე და ამით მორწმუნეებს ახსენებს, რომ ღმერთი მათ არ მიატოვებს.