ბელარუსის პროკურატურა სასამართლოს იურას ზიანკოვიჩის, ბელარუსში დაბადებული ამერიკის მოქალაქის, ადვოკატის და მასთან დაკავშირებული 5 პირისთვის ხანგრძლივ პატიმრობას ითხოვს. პროკურატურა მათ ბრალად ალექსანდრ ლუკაშენკოს და მისი ოჯახის მკვლელობის დაგეგმვასა და ძალაუფლების ხელში ჩაგდების მცდელობაში სდებს ბრალს.
მინსკში დაფუძნებული არასამთავრობო ორგანიზაცია "ვიასნა" (გაზაფხული) ადამიანის უფლებათა ცენტრია, რომელმაც 30 აგვისტოს განაცხადა, რომ პროკურატურა ზიანკოვიჩისთვის, ასევე პოლიტიკური მიმომხილველისა და ლიტერატურის ექსპერტ ალიაკსანდრ ფიადუტასთვის და ბელარუსული ოპოზიციური ფრონტის ლიდერისთვის, რიჰორ კასტუსიუსთვის 12 წლით თავისუფლების აღკვეთას ითხოვს.
ზიანკოვიჩი და ფიადუტა მოსკოვში, ქუჩაში დააკავეს და 700 კმ-ის დაშორებით, ბელარუსში 2021 წლის აპრილში გადაიყვანეს. ლუკაშენკოს მთავრობა ირწმუნება, რომ ზიანკოვიჩს შექმნილი ჰქონდა დაჯგუფება, რომელიც ამერიკის მიერ მხარდაჭერილი, მისი მკვლელობის თაობაზე მოწყობილი შეთქმულების ნაწილი იყო. ვაშინგტონი ბრალდებებს უარყოფს.
