ევროპის კავშირმა დღეს მიიღო გადაწყვეტილება რუსეთის საწინააღმდეგო სანქციების დამატებით ნახევარი წლით გახანგრძლიევების შესახებ. სანქციების მოქმედების ვადა 2017 წლის 31 იანვრამდე გაგრძელდება.
ამერიკის შეერთებულმა შტატებმა, ევროკავშირმა და დასავლეთის სხვა სახელმწიფოებმა რუსეთის პოლიტიკურ და ბიზნეს-ლიდერებს სანქციები 2014 წლის ივლისში დაუწესეს. ეს იყო დასავლეთის პასუხი მოსკოვის მიერ უკრაინის ტერიტორიაზე განხორციელებული ყირიმის ნახევარკუნძულის ანექსიაზე და აღმოსავლეთ უკრაინაში პრორუსულად განწყობილი სეპარატისტების მხარდაჭერაზე.
