პრეზიდენტი ობამა ცეცხლსასროლი იარაღის შესახებ

კონექტიკუტის შტატში ქალაქ ნიუთაუნში დაწყებით სკოლაში მომხდარი საშინელი ტრაგედიის შემდეგ პრეზიდენტმა ობამამ ცეცხლსასროლ იარაღთან დაკავშირებული ძალადობის პრობლემებზე გაამახვილა ყურადღება.

ამ პრობლემაზე ზედამხედველობა ბარაკ ობამამ შეერთებული შტატების ვიცე-პრეზიდენტს ჯო ბაიდენს დაავალა.

თეთრი სახლის განცხადებით, პრეზიდენტი პირველ რიგში იარაღით ვაჭრობის რეგულაციაზე გაამახვილებს ყურადღებას. ამჟამად შეერთებულ შტატებში იარაღის ყიდვა კერძო პირებისგან შეიძლება ყოველგვარი კონტროლის გარეშე და მყიდველის წარსულის შესწავლის გარეშე.